subh-dam kaun ye nindon se jaga deta hai

sub.h-dam kaun ye nīñdoñ se jagā detā hai

raat ko lorī sunātā hai sulā detā hai

baat badle kī yahāñ tak use le aa.ī hai

vo mirī yaad ko suulī pe chaḌhā detā hai

us kī niyyat meñ hai kyā vo to ḳhudā hī jaane

merā dushman mujhe jiine kī duā detā hai

jāda-e-ishq meñ darkār hai iḳhlās-e-amal

zarra-zarra jahāñ paiġhām-e-vafā detā hai

abr kā TukḌā hī sar par mire vo bhijvātā

reg-zāroñ meñ jo sabze ko ugā detā hai

mashġhalā us kā abhī tak hai vahī sunte haiñ

ret pe likh ke mirā naam miTā detā hai

ham samajhte haiñ kamī-beshī tavajjoh kī tirī

kaun hai dard baḌhātā hai ghaTā detā hai

hasb-e-taufīq amal bhī hai zarūrī 'najmī'

kāmyābī to ba-har-hāl ḳhudā detā hai

subh-dam kaun ye nindon se jaga deta hai

raat ko lori sunata hai sula deta hai

baat badle ki yahan tak use le aai hai

wo meri yaad ko suli pe chaDha deta hai

us ki niyyat mein hai kya wo to KHuda hi jaane

mera dushman mujhe jine ki dua deta hai

jada-e-ishq mein darkar hai iKHlas-e-amal

zarra-zarra jahan paigham-e-wafa deta hai

abr ka TukDa hi sar par mere wo bhijwata

reg-zaron mein jo sabze ko uga deta hai

mashghala us ka abhi tak hai wahi sunte hain

ret pe likh ke mera nam miTa deta hai

hum samajhte hain kami-beshi tawajjoh ki teri

kaun hai dard baDhata hai ghaTa deta hai

hasb-e-taufiq amal bhi hai zaruri 'najmi'

kaamyabi to ba-har-haal KHuda deta hai