subh-e-tarab to mast-o-ghazal-KHwan guzar gai

sub.h-e-tarab to mast-o-ġhazal-ḳhvāñ guzar ga.ī

shām-e-alam jo aa.ī to aa kar Thahar ga.ī

dekhā kisī ne auj-e-tasavvur na auj-e-fan

pinhāñ thā dāġh-e-aib to sab kī nazar ga.ī

yād-e-ḳhudā se bāb-e-haram tak khulā nahīñ

yād-e-butāñ se dil pe qayāmat guzar ga.ī

taḌpā qafas meñ kaun jo ai sub.h-e-nau-bahār

rū-e-gul-o-giyāh sabā chashm-tar ga.ī

itnā dil-e-'na.īm' ko vīrāñ na kar hijāz

ro.egī mauj-e-gañg jo us tak ḳhabar ga.ī

subh-e-tarab to mast-o-ghazal-KHwan guzar gai

sham-e-alam jo aai to aa kar Thahar gai

dekha kisi ne auj-e-tasawwur na auj-e-fan

pinhan tha dagh-e-aib to sab ki nazar gai

yaad-e-KHuda se bab-e-haram tak khula nahin

yaad-e-butan se dil pe qayamat guzar gai

taDpa qafas mein kaun jo ai subh-e-nau-bahaar

ru-e-gul-o-giyah saba chashm-tar gai

itna dil-e-'naim' ko viran na kar hijaz

roegi mauj-e-gang jo us tak KHabar gai