aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

subh ka bhed mila kya hum ko

Baqi Siddiqui

subh ka bhed mila kya hum ko

Baqi Siddiqui

MORE BYBaqi Siddiqui

    sub.h bhed milā kyā ham ko

    lag gayā raat dhaḌkā ham ko

    shauq-e-nazzārā parda uThThā

    nazar aane lagī duniyā ham ko

    kashtiyāñ TuuT ga.ī haiñ saarī

    ab liye phirtā hai dariyā ham ko

    bhiiḌ meñ kho ga.e āḳhir ham bhī

    na milā jab koī rasta ham ko

    talḳhī-e-ġham mudāvā ma.alūm

    paḌ gayā zahr chaskā ham ko

    tere ġham se to sukūñ miltā hai

    apne sho'loñ ne jalāyā ham ko

    ghar ko yuuñ dekh rahe haiñ jaise

    aaj ghar nazar aayā ham ko

    ham ki sho.ala bhī haiñ aur shabnam bhī

    ne kis rang meñ dekhā ham ko

    jalva-e-lālā-o-gul hai dīvār

    kabhī milte sar-e-sahrā ham ko

    le uḌī dil ko nasīm-e-saharī

    bū-e-gul kar ga.ī tanhā ham ko

    sair-e-gulshan ne kiyā āvāra

    lag gayā rog sabā ham ko

    yaad aa.ī haiñ barahna shāḳheñ

    thaam le ai gul-e-tāza ham ko

    le gayā saath uḌā kar 'bāqī'

    ek sūkhā huā pattā ham ko

    subh ka bhed mila kya hum ko

    lag gaya raat ka dhaDka hum ko

    shauq-e-nazzara ka parda uThTha

    nazar aane lagi duniya hum ko

    kashtiyan TuT gai hain sari

    ab liye phirta hai dariya hum ko

    bhiD mein kho gae aaKHir hum bhi

    na mila jab koi rasta hum ko

    talKHi-e-gham ka mudawa malum

    paD gaya zahr ka chaska hum ko

    tere gham se to sukun milta hai

    apne sho'lon ne jalaya hum ko

    ghar ko yun dekh rahe hain jaise

    aaj hi ghar nazar aaya hum ko

    hum ki shoala bhi hain aur shabnam bhi

    tu ne kis rang mein dekha hum ko

    jalwa-e-lala-o-gul hai diwar

    kabhi milte sar-e-sahra hum ko

    le uDi dil ko nasim-e-sahari

    bu-e-gul kar gai tanha hum ko

    sair-e-gulshan ne kiya aawara

    lag gaya rog saba ka hum ko

    yaad aai hain barahna shaKHen

    tham le ai gul-e-taza hum ko

    le gaya sath uDa kar 'baqi'

    ek sukha hua patta hum ko

    Videos
    This video is playing from YouTube

    Videos
    This video is playing from YouTube

    Baqi Siddiqui

    Baqi Siddiqui

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now