subh kanTon pe sham kanTon par

sub.h kāñToñ pe shaam kāñToñ par

umr guzrī tamām kāñToñ par

mire apne qalam ne chupke se

likh diyā merā naam kāñToñ par

terī kirneñ bhī raqs kartī haiñ

roz māh-e-tamām kāñToñ par

rang aur bū-e-gul ke āshiq sab

kaun bheje salām kāñToñ par

roz shabnam se ġhusl karte haiñ

hai guloñ kā hamām kāñToñ par

ibtidā-e-hayāt phūloñ se

aur hai iḳhtitām kāñToñ par

aisī mastī ki titliyāñ bhauñre

ho ga.e ham-kalām kāñToñ par

husn kī har adā guloñ par hai

ishq kā ehtishām kāñToñ par

shāḳh-e-gul par qafas hai 'panchhī' kā

aur shīrīñ ta.aam kāñToñ par

subh kanTon pe sham kanTon par

umr guzri tamam kanTon par

mere apne qalam ne chupke se

likh diya mera nam kanTon par

teri kirnen bhi raqs karti hain

roz mah-e-tamam kanTon par

rang aur bu-e-gul ke aashiq sab

kaun bheje salam kanTon par

roz shabnam se ghusl karte hain

hai gulon ka hamam kanTon par

ibtida-e-hayat phulon se

aur hai iKHtitam kanTon par

aisi masti ki titliyan bhaunre

ho gae ham-kalam kanTon par

husn ki har ada gulon par hai

ishq ka ehtisham kanTon par

shaKH-e-gul par qafas hai 'panchhi' ka

aur shirin taam kanTon par