subh safar aur sham safar

sub.h safar aur shaam safar

hastī kā anjām safar

ūñche naam se kyā hotā hai

karnā hai be-nām safar

suniye ḳhizāñ se kyā kahtī hai

gul gulshan gulfām safar

chāñd-sitāre aur havā

kis ko hai ārām safar

bachiye bachiye us se bachiye

kar de jo badnām safar

gaahe kaam bigāḌe bhī hai

gaahe aave kaam safar

khil nahīñ paa.e aur murjhā.e

haa.e re be-hañgām safar

kaisā saudā sar meñ samāyā

sāl-o-mah-o-ayyām safar

shikva hai be-bāl-o-parī kā

dekhiye zer-e-dām safar

tum bhī raho tayyār hī 'tarzī'

'ġhālib' aur 'ḳhayyām' safar

subh safar aur sham safar

hasti ka anjam safar

unche nam se kya hota hai

karna hai be-nam safar

suniye KHizan se kya kahti hai

gul gulshan gulfam safar

chand-sitare aur hawa

kis ko hai aaram safar

bachiye bachiye us se bachiye

kar de jo badnam safar

gahe kaam bigaDe bhi hai

gahe aawe kaam safar

khil nahin pae aur murjhae

hae re be-hangam safar

kaisa sauda sar mein samaya

sal-o-mah-o-ayyam safar

shikwa hai be-baal-o-pari ka

dekhiye zer-e-dam safar

tum bhi raho tayyar hi 'tarzi'

'ghaalib' aur 'KHayyam' safar