subh se ghabra gae hum sham se ghabra gae

sub.h se ghabrā ga.e ham shaam se ghabrā ga.e

roz kī is gardish-e-ayyām se ghabrā ga.e

kaash aa jaa.eñ palaT kar din tire āġhāz ke

ai mohabbat ham tire anjām se ghabrā ga.e

be-qarārī kī mohabbat meñ bhī had hotī hai kuchh

ham to apne is dil-e-nākām se ghabrā ga.e

kab talak anjām deñ ye ḳhidmat-e-āh-o-fuġhāñ

ham to ab ai ishq tere naam se ghabrā ga.e

vo to iz.hār-e-mohabbat kī thī 'shabnam' ik adā

vo mirī nazroñ hī ke paiġhām se ghabrā ga.e

subh se ghabra gae hum sham se ghabra gae

roz ki is gardish-e-ayyam se ghabra gae

kash aa jaen palaT kar din tere aaghaz ke

ai mohabbat hum tere anjam se ghabra gae

be-qarari ki mohabbat mein bhi had hoti hai kuchh

hum to apne is dil-e-nakaam se ghabra gae

kab talak anjam den ye KHidmat-e-ah-o-fughan

hum to ab ai ishq tere nam se ghabra gae

wo to izhaar-e-mohabbat ki thi 'shabnam' ek ada

wo meri nazron hi ke paigham se ghabra gae