suhulat ho aziyyat ho tumhaare sath rahna hai
suhulat ho aziyyat ho tumhāre saath rahnā hai
ki ab koī bhī sūrat ho tumhāre saath rahnā hai
hamāre rābte hī is qadar haiñ, tum ho aur bas tum
tumheñ sab se mohabbat ho tumhāre saath rahnā hai
aur ab ghar-bār jab ham chhoḌ kar aa hī chuke haiñ to
tumheñ jitnī bhī nafrat ho tumhāre saath rahnā hai
hamāre paañv meñ kīleñ aur ā.ankhoñ se lahū Tapke
hamārī jo bhī hālat ho tumhāre saath rahnā hai
tumheñ har sub.h aur har shaam hai bas dekhte rahnā
tum itne ḳhūbsūrat ho tumhāre saath rahnā hai
suhulat ho aziyyat ho tumhaare sath rahna hai
ki ab koi bhi surat ho tumhaare sath rahna hai
hamare rabte hi is qadar hain, tum ho aur bas tum
tumhein sab se mohabbat ho tumhaare sath rahna hai
aur ab ghar-bar jab hum chhoD kar aa hi chuke hain to
tumhein jitni bhi nafrat ho tumhaare sath rahna hai
hamare panw mein kilen aur aaankhon se lahu Tapke
hamari jo bhi haalat ho tumhaare sath rahna hai
tumhein har subh aur har sham hai bas dekhte rahna
tum itne KHubsurat ho tumhaare sath rahna hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
