suKHan-wari ka bahana banata rahta hun
suḳhan-varī kā bahāna banātā rahtā huuñ
tirā fasāna tujhī ko sunātā rahtā huuñ
maiñ apne aap se sharminda huuñ na duniyā se
jo dil meñ aatā hai hoñToñ pe laatā rahtā huuñ
purāne ghar kī shikasta chhatoñ se uktā kar
na.e makān kā naqsha banātā rahtā huuñ
mire vajūd meñ ābād haiñ ka.ī jañgal
jahāñ maiñ hū kī sadā.eñ lagātā rahtā huuñ
mire ḳhudā yahī masrūfiyat bahut hai mujhe
tire charāġh jalātā bujhātā rahtā huuñ
suKHan-wari ka bahana banata rahta hun
tera fasana tujhi ko sunata rahta hun
main apne aap se sharminda hun na duniya se
jo dil mein aata hai honTon pe lata rahta hun
purane ghar ki shikasta chhaton se ukta kar
nae makan ka naqsha banata rahta hun
mere wajud mein aabaad hain kai jangal
jahan main hu ki sadaen lagata rahta hun
mere KHuda yahi masrufiyat bahut hai mujhe
tere charagh jalata bujhata rahta hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
