sukun dil ko nazar ko meri qarar nahin

sukūn dil ko nazar ko mirī qarār nahīñ

ye ek marg-e-musalsal hai intizār nahīñ

kalī ke lab pe tabassum ko DhūñDne vaalo

barā.e-nām bhī gulshan meñ ab bahār nahīñ

hameñ pahuñchne se manzil pe kaun rokegā

hamārī raah meñ jab yaas kā ġhubār nahīñ

karo vo mashq ki hañste raho ḳhizāñ meñ bhī

gul-o-chaman meñ bahāroñ pe e.atibār nahīñ

ḳhudā bachā.e guloñ ko fareb-e-gulshan se

faqat bahār kā dhokā hai ye bahār nahīñ

qasam hai azmat-e-mai-ḳhāna-e-mohabbat kī

ghaTā hai jaam hai saaqī hai bāda-ḳhvār nahīñ

'nishāt' piine pilāne kī aarzū be-kār

uThā na jaam abhī mausam-e-bahār nahīñ

sukun dil ko nazar ko meri qarar nahin

ye ek marg-e-musalsal hai intizar nahin

kali ke lab pe tabassum ko DhunDne walo

barae-nam bhi gulshan mein ab bahaar nahin

hamein pahunchne se manzil pe kaun rokega

hamari rah mein jab yas ka ghubar nahin

karo wo mashq ki hanste raho KHizan mein bhi

gul-o-chaman mein bahaaron pe eatibar nahin

KHuda bachae gulon ko fareb-e-gulshan se

faqat bahaar ka dhoka hai ye bahaar nahin

qasam hai azmat-e-mai-KHana-e-mohabbat ki

ghaTa hai jam hai saqi hai baada-KHwar nahin

'nishat' pine pilane ki aarzu be-kar

uTha na jam abhi mausam-e-bahaar nahin