sukun-parwar nigahon ke sahaare chhin leti hai

sukūñ-parvar nigāhoñ ke sahāre chhīn letī hai

sunāmī jab bhī aatī hai kināre chhīn letī hai

hañsī bhī chhīn letī hai ḳhushī bhī chhīn jaatī hai

bigaḌ jaatī hai qismat to sitāre chhīn letī hai

musībat jab bhī aatī hai to aañsū le ke aatī hai

laboñ se muskurāhaT ke nazāre chhīn letī hai

koī hotā nahīñ hai pūchhne vaalā ye qismat to

ġharīboñ meñ hamāre sab sahāre chhīn letī hai

vidā.a ho kar chalī jaatī haiñ jab bhī beTiyāñ ghar se

to phir maañ baap kī āñkhoñ ke taare chhīn letī hai

pitā ko naaz thā jis par vahī aulād phir ik din

yaqīñ bhī toḌ detī hai sahāre chhīn letī hai

bahāreñ jab kabhī gulshan se apne ruuTh jaatī haiñ

sabhī gulshan se vo rañgīñ nazāre chhīn letī hai

muqaddar ko bigaḌte der lagtī hī nahīñ 'indorī'

kisī kī bad-duā.eñ sab bahāreñ chhīn letī haiñ

sukun-parwar nigahon ke sahaare chhin leti hai

sunami jab bhi aati hai kinare chhin leti hai

hansi bhi chhin leti hai KHushi bhi chhin jati hai

bigaD jati hai qismat to sitare chhin leti hai

musibat jab bhi aati hai to aansu le ke aati hai

labon se muskurahaT ke nazare chhin leti hai

koi hota nahin hai puchhne wala ye qismat to

gharibon mein hamare sab sahaare chhin leti hai

widaa ho kar chali jati hain jab bhi beTiyan ghar se

to phir man bap ki aankhon ke tare chhin leti hai

pita ko naz tha jis par wahi aulad phir ek din

yaqin bhi toD deti hai sahaare chhin leti hai

bahaaren jab kabhi gulshan se apne ruTh jati hain

sabhi gulshan se wo rangin nazare chhin leti hai

muqaddar ko bigaDte der lagti hi nahin 'indori'

kisi ki bad-duaen sab bahaaren chhin leti hain