sukut se bhi suKHan ko nikal lata hua

sukūt se bhī suḳhan ko nikāl laatā huā

ye maiñ huuñ lauh-e-shikasta se lafz uThātā huā

makāñ kī tangī o tārīkī besh-tar thī so maiñ

diye jalātā huā aa.ine banātā huā

tire ġhayāb ko maujūd meñ badalte hue

kabhī maiñ ḳhud ko tire naam se bulātā huā

charāġh jalte hī ik shahr munkashif ham par

aur us ke baa'd vahī shahr Duub jaatā huā

bas ek ḳhvāb ki us qarya-e-badan se hunūz

navāh-e-dil talak ik rāsta sā aatā huā

sukut se bhi suKHan ko nikal lata hua

ye main hun lauh-e-shikasta se lafz uThata hua

makan ki tangi o tariki besh-tar thi so main

diye jalata hua aaine banata hua

tere ghayab ko maujud mein badalte hue

kabhi main KHud ko tere nam se bulata hua

charagh jalte hi ek shahr munkashif hum par

aur us ke ba'd wahi shahr Dub jata hua

bas ek KHwab ki us qarya-e-badan se hunuz

nawah-e-dil talak ek rasta sa aata hua