sun ke furqat chup hua aisa ki murda ho gaya

sun ke furqat chup huā aisā ki murdā ho gayā

pūchhtā hai yaar ro ro kar tujhe kyā ho gayā

dekh kar chashm-e-siyāh-e-māh-rū vahshat huī

chāñdnī meñ us hiran kā rañg kaalā ho gayā

kar diyā abrū ne do TukḌe ba-rañg-e-zulfiqār

ek hī talvār meñ saarī kā aadhā ho gayā

kyā diyā bosa lab-e-shīrīñ kā ho kar tursh-rū

muñh huā mīThā to kyā dil apnā khaTTā ho gayā

muñh jo us yūsuf ne pherā ho ga.e be-kār sab

dīda-e-yāqūb chāh-e-ā.ina andhā ho gayā

dil jo taḌpā daaġh se raushan jahān-e-dil huā

barq jab chamkī añdhere meñ ujālā ho gayā

'arsh' us kī sard-mehrī tā-dam-e-āḳhir rahī

dil huā ThanDā na saarā jism ThanDā ho gayā

sun ke furqat chup hua aisa ki murda ho gaya

puchhta hai yar ro ro kar tujhe kya ho gaya

dekh kar chashm-e-siyah-e-mah-ru wahshat hui

chandni mein us hiran ka rang kala ho gaya

kar diya abru ne do TukDe ba-rang-e-zulfiqar

ek hi talwar mein sari ka aadha ho gaya

kya diya bosa lab-e-shirin ka ho kar tursh-ru

munh hua miTha to kya dil apna khaTTa ho gaya

munh jo us yusuf ne phera ho gae be-kar sab

dida-e-yaqub chah-e-aina andha ho gaya

dil jo taDpa dagh se raushan jahan-e-dil hua

barq jab chamki andhere mein ujala ho gaya

'arsh' us ki sard-mehri ta-dam-e-aKHir rahi

dil hua ThanDa na sara jism ThanDa ho gaya