suna hai kichaD ke sukhne par hayat chola badal rahi thi

sunā hai kīchaḌ ke sūkhne par hayāt cholā badal rahī thī

shajar se nīche utar ke ḳhilqat nahīf qadmoñ pe chal rahī thī

vasī.a raqbe kā be-nihāyat ḳhatīr malba simaT rahā thā

za.iif taare kī dhoñknī se muhīb zulmat ubal rahī thī

tavāf kartī havā kā ronā matāf meñ ġhul machā rahā thā

haram ke phāTak se bain kartī koī savārī nikal rahī thī

vabā kī aafat kā tāziyāna siyāh pushtoñ pe paḌ chukā thā

nigār-ḳhāne ke tāqche meñ ḳhabar kī hāñDī ubal rahī thī

falak ke koThe pe dekhtā huuñ nayā sitāra chamak rahā hai

zamīñ pe girne se qabl shāyad shuā qarnoñ se chal rahī thī

salām kartī huī sahar kā kivāḌ chaupaT khulā huā thā

falak kā nīlam chamak rahā thā nadī meñ chāñdī pighal rahī thī

safar kā saf.ha khulā to us par fanā kā naqsha banā huā thā

hamārā nashsha utar chukā thā hamārī mastī sañbhal rahī thī

suna hai kichaD ke sukhne par hayat chola badal rahi thi

shajar se niche utar ke KHilqat nahif qadmon pe chal rahi thi

wasia raqbe ka be-nihayat KHatir malba simaT raha tha

zaif tare ki dhonkni se muhib zulmat ubal rahi thi

tawaf karti hawa ka rona mataf mein ghul macha raha tha

haram ke phaTak se bain karti koi sawari nikal rahi thi

waba ki aafat ka taziyana siyah pushton pe paD chuka tha

nigar-KHane ke taqche mein KHabar ki hanDi ubal rahi thi

falak ke koThe pe dekhta hun naya sitara chamak raha hai

zamin pe girne se qabl shayad shua qarnon se chal rahi thi

salam karti hui sahar ka kiwaD chaupaT khula hua tha

falak ka nilam chamak raha tha nadi mein chandi pighal rahi thi

safar ka safha khula to us par fana ka naqsha bana hua tha

hamara nashsha utar chuka tha hamari masti sanbhal rahi thi