sunahri nind se kis ne mujhe bedar kar Dala

sunahrī niiñd se kis ne mujhe bedār kar Daalā

darīcha khul rahā thā ḳhvāb meñ dīvār kar Daalā

nishāñ hoñToñ kā lau dene lagā hai zehn meñ ab to

bil-āḳhir maiñ ne us ko mish.al-e-ruḳhsār kar Daalā

naqāhat aur balā kā husn aur āñkhoñ kī dil-gīrī

ajab bīmār thā jis ne mujhe bīmār kar Daalā

mire dil se lipaTtī zulf bhī to dekhtā koī

sabhī nālāñ haiñ maiñ ne shahr kyuuñ mismār kar Daalā

mirī utran se apnī satar-poshī kar rahā hai vo

mire tarz-e-ġhazal ne kyā use nādār kar Daalā

jo ḳhā.if the ġhazal meñ zikr-e-baġhdād-o-buḳhārā se

vo ḳhush hoñ maiñ ne ab zikr-e-lab-o-ruḳhsār kar Daalā

sunahri nind se kis ne mujhe bedar kar Dala

daricha khul raha tha KHwab mein diwar kar Dala

nishan honTon ka lau dene laga hai zehn mein ab to

bil-aKHir main ne us ko mishal-e-ruKHsar kar Dala

naqahat aur bala ka husn aur aankhon ki dil-giri

ajab bimar tha jis ne mujhe bimar kar Dala

mere dil se lipaTti zulf bhi to dekhta koi

sabhi nalan hain main ne shahr kyun mismar kar Dala

meri utran se apni satar-poshi kar raha hai wo

mere tarz-e-ghazal ne kya use nadar kar Dala

jo KHaif the ghazal mein zikr-e-baghdad-o-buKHara se

wo KHush hon main ne ab zikr-e-lab-o-ruKHsar kar Dala