suni har baat apne rahnuma ki

sunī har baat apne rahnumā kī

yahī ik bhuul ham ne bār-hā kī

huī jo zindagī se ittifāqan

vahī bhuul us ne phir ik martaba kī

mujhī meñ gūñjtī haiñ sab sadā.eñ

magar phir bhī hai ḳhāmoshī balā kī

har ik kirdār meñ Dhalne kī chāhat

matānat dekhiye bahrūpiyā kī

azal ke peshtar bhī kuchh to hogā

kahāñ phir had milegī ibtidā kī

talātum haiñ mire merī haiñ lahreñ

mujhe kyuuñ justujū ho nāḳhudā kī

hamāre saath ho kar bhī nahīñ hai

shikāyat kyā kareñ us gum-shuda kī

har ik aahaT tirī aamad kā dhoka

kabhī to laaj rakh le is ḳhatā kī

sarāpā haa.e us nāzuk badan kā

koī tasvīr jaise apsarā kī

suni har baat apne rahnuma ki

yahi ek bhul hum ne bar-ha ki

hui jo zindagi se ittifaqan

wahi bhul us ne phir ek martaba ki

mujhi mein gunjti hain sab sadaen

magar phir bhi hai KHamoshi bala ki

har ek kirdar mein Dhalne ki chahat

matanat dekhiye bahrupiya ki

azal ke peshtar bhi kuchh to hoga

kahan phir had milegi ibtida ki

talatum hain mere meri hain lahren

mujhe kyun justuju ho naKHuda ki

hamare sath ho kar bhi nahin hai

shikayat kya karen us gum-shuda ki

har ek aahaT teri aamad ka dhoka

kabhi to laj rakh le is KHata ki

sarapa hae us nazuk badan ka

koi taswir jaise apsara ki