surma-e-chashm banaya dil o jaan par rakkha

surma-e-chashm banāyā dil o jaañ par rakkhā

zahr thā phir bhī use maiñ ne zabāñ par rakkhā

is ḳhasāre meñ ajab tarah kī sarshārī thī

dil ko māmūr sadā kār-e-ziyāñ par rakkhā

koī raushan to kare aa ke ḳhad-o-ḳhāl mire

harf-e-iqān huuñ aurāq-e-gumāñ par rakkhā

aaj dariyā meñ ajab shor ajab halchal hai

kis kī kashtī ne qadam āb-e-ravāñ par rakkhā

kyā sabā kaun sabā bād-e-bahārī kaisī

ek ik gul ho jahāñ nok-e-sināñ par rakkhā

ik qalandar kī tarah vaqt rahā mahv-e-ḳhirām

us ne kab dhyān ''talab'' shor-e-sagāñ par rakkhā

surma-e-chashm banaya dil o jaan par rakkha

zahr tha phir bhi use main ne zaban par rakkha

is KHasare mein ajab tarah ki sarshaari thi

dil ko mamur sada kar-e-ziyan par rakkha

koi raushan to kare aa ke KHad-o-KHal mere

harf-e-iqan hun auraq-e-guman par rakkha

aaj dariya mein ajab shor ajab halchal hai

kis ki kashti ne qadam aab-e-rawan par rakkha

kya saba kaun saba baad-e-bahaari kaisi

ek ek gul ho jahan nok-e-sinan par rakkha

ek qalandar ki tarah waqt raha mahw-e-KHiram

us ne kab dhyan talab shor-e-sagan par rakkha