surur se aTe hue ai mausam-e-visal ruk

surūr se aTe hue ai mausam-e-visāl ruk

mile darīda-qalb ko sukūn-e-indimāl ruk

ai hairat-e-gulāb-ruḳh tū itnā lā-javāb hai

ki kah uThe savāl se hamāre lab savāl ruk

tujhe gila hai ab vo lazzateñ rahīñ na qurbateñ

maiñ Dāltā huuñ raqs-e-ishq meñ abhī dhamāl ruk

na raas aa.egā koī na dil ko bhā.egā koī

hamāre bin Dasegā tujh ko umr-bhar malāl ruk

paḌegā ran aziyyatoñ kā samt-e-shahr-e-hijr roz

udhar na jā Thahar zarā tū dekh merā haal ruk

maiñ tere hasb-e-idda.ā nahīñ huuñ vo jo thā kabhī

vo thā bhī lauT aa.egā ai mere ham-ḳhayāl ruk

ġhazal-tarāziyāñ mirī nigāh-e-nāz se tirī

ye kar rahī haiñ iltijā na jā mire ġhazāl ruk

havās kho chuke haiñ sab huā 'nadīm' jāñ-balab

tū ab na mere sāmne aa hāsil-e-jamāl ruk

surur se aTe hue ai mausam-e-visal ruk

mile darida-qalb ko sukun-e-indimal ruk

ai hairat-e-gulab-ruKH tu itna la-jawab hai

ki kah uThe sawal se hamare lab sawal ruk

tujhe gila hai ab wo lazzaten rahin na qurbaten

main Dalta hun raqs-e-ishq mein abhi dhamal ruk

na ras aaega koi na dil ko bhaega koi

hamare bin Dasega tujh ko umr-bhar malal ruk

paDega ran aziyyaton ka samt-e-shahr-e-hijr roz

udhar na ja Thahar zara tu dekh mera haal ruk

main tere hasb-e-iddaa nahin hun wo jo tha kabhi

wo tha bhi lauT aaega ai mere ham-KHayal ruk

ghazal-taraaziyan meri nigah-e-naz se teri

ye kar rahi hain iltija na ja mere ghazal ruk

hawas kho chuke hain sab hua 'nadim' jaan-balab

tu ab na mere samne aa hasil-e-jamal ruk