su-e-maqtal ki pae sair-e-chaman jate hain

sū-e-maqtal ki pa.e sair-e-chaman jaate haiñ

ahl-e-dil jām-ba-kaf sar-ba-kafan jaate haiñ

aa ga.ī fasl-e-junūñ kuchh to karo dīvāno

abr sahrā kī taraf sāya-fagan jaate haiñ

us ko dekhā nahīñ tum ne ki yahī kūcha o raah

shāḳh-e-gul shoḳhi-e-raftār se ban jaate haiñ

vo agar baat na pūchhe to kareñ kyā ham bhī

aap hī rūThte haiñ aap hī man jaate haiñ

bulbulo apnī navā faiz hai un āñkhoñ kā

jin se ham sīkhne andāz-e-suḳhan jaate haiñ

jo Thahartī to zarā chalte sabā ke hamrāh

yuuñ bhī ham roz kahāñ sū-e-chaman jaate haiñ

luT gayā qāfila-e-ahl-e-junūñ bhī shāyad

log hāthoñ meñ liye tār-e-rasan jaate haiñ

rok saktā hameñ zindān-e-balā kyā 'majrūh'

ham to āvāz haiñ dīvār se chhan jaate haiñ

su-e-maqtal ki pae sair-e-chaman jate hain

ahl-e-dil jam-ba-kaf sar-ba-kafan jate hain

aa gai fasl-e-junun kuchh to karo diwano

abr sahra ki taraf saya-fagan jate hain

us ko dekha nahin tum ne ki yahi kucha o rah

shaKH-e-gul shoKHi-e-raftar se ban jate hain

wo agar baat na puchhe to karen kya hum bhi

aap hi ruThte hain aap hi man jate hain

bulbulo apni nawa faiz hai un aankhon ka

jin se hum sikhne andaz-e-suKHan jate hain

jo Thaharti to zara chalte saba ke hamrah

yun bhi hum roz kahan su-e-chaman jate hain

luT gaya qafila-e-ahl-e-junun bhi shayad

log hathon mein liye tar-e-rasan jate hain

rok sakta hamein zindan-e-bala kya 'majruh'

hum to aawaz hain diwar se chhan jate hain