sufi-e-shahr mere haq mein dua kya karta

sūfī-e-shahr mire haq meñ duā kyā kartā

ḳhud thā muhtāj-e-atā mujh ko atā kyā kartā

apnī āvāz ke sannāTe se hol aatā hai

maiñ bayābān-e-tamannā meñ sadā kyā kartā

saañs lete hue siine meñ jalan hotī hai

maiñ tire shahr kī shādāb fazā kyā kartā

is fazā meñ to farishtoñ ke bhī par jalte haiñ

maiñ yahāñ jur.at-e-parvāz bhalā kyā kartā

mohtasib jurm mirā dekh ke ḳhāmosh rahā

ḳhud ḳhatā-kār thā ahkām-e-sazā kyā kartā

tum ne to chhīn lī mujh se mirī goyā.ī bhī

maiñ to ik kāġhaz-e-ātish-zada thā kyā kartā

sufi-e-shahr mere haq mein dua kya karta

KHud tha muhtaj-e-ata mujh ko ata kya karta

apni aawaz ke sannaTe se hol aata hai

main bayaban-e-tamanna mein sada kya karta

sans lete hue sine mein jalan hoti hai

main tere shahr ki shadab faza kya karta

is faza mein to farishton ke bhi par jalte hain

main yahan jurat-e-parwaz bhala kya karta

mohtasib jurm mera dekh ke KHamosh raha

KHud KHata-kar tha ahkaam-e-saza kya karta

tum ne to chhin li mujh se meri goyai bhi

main to ek kaghaz-e-atish-zada tha kya karta