suraj baghair saya-e-ashjar kis liye
suraj baghair saya-e-ashjar kis liye
Munawwar Tabish Sambhali
MORE BYMunawwar Tabish Sambhali
sūraj baġhair sāya-e-ashjār kis liye
yūsuf nahīñ to misr kā bāzār kis liye
ye to fareb denā hai ḳhud apne aap ko
'izzat nahīñ to jubba-o-dastār kis liye
taqsīm dil hue haiñ havelī ke naam par
varna uThī hai sahn meñ dīvār kis liye
jab husn ghar se chal diyā bāzār kī taraf
bigḌe na ab zamāne kī raftār kis liye
saarā nizām aap kī jab dastaras meñ hai
mahrūm haq se ho ga.e haqdār kis liye
suraj baghair saya-e-ashjar kis liye
yusuf nahin to misr ka bazar kis liye
ye to fareb dena hai KHud apne aap ko
'izzat nahin to jubba-o-dastar kis liye
taqsim dil hue hain haweli ke nam par
warna uThi hai sahn mein diwar kis liye
jab husn ghar se chal diya bazar ki taraf
bigDe na ab zamane ki raftar kis liye
sara nizam aap ki jab dastaras mein hai
mahrum haq se ho gae haqdar kis liye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
