tab-e-didar ju lae mujhe wo dil dena
tāb-e-dīdār jū laa.e mujhe vo dil denā
muñh qayāmat meñ dikhā sakne ke qābil denā
nā-tavānoñ ke sahāre ko hai ye bhī kaafī
dāman-e-lutf ġhubār-e-pas-e-mahmil denā
zauq meñ sūrat-e-mauj aa ke fanā ho jā.ūñ
koī bosa to bhalā ai lab-e-sāhil denā
haa.e re haa.e tirī uqda-kushā.ī ke maze
tū hī khole jise vo uqda-e-mushkil denā
ek fitna hai qayāmat meñ bahār-e-firdaus
juz tire kuchh bhī na chāhe mujhe vo dil denā
dard kā koī mahal hī nahīñ jab dil ke sivā
mujh ko har uzv ke badle hama-tan dil denā
tab-e-didar ju lae mujhe wo dil dena
munh qayamat mein dikha sakne ke qabil dena
na-tawanon ke sahaare ko hai ye bhi kafi
daman-e-lutf ghubar-e-pas-e-mahmil dena
zauq mein surat-e-mauj aa ke fana ho jaun
koi bosa to bhala ai lab-e-sahil dena
hae re hae teri uqda-kushai ke maze
tu hi khole jise wo uqda-e-mushkil dena
ek fitna hai qayamat mein bahaar-e-firdaus
juz tere kuchh bhi na chahe mujhe wo dil dena
dard ka koi mahal hi nahin jab dil ke siwa
mujh ko har uzw ke badle hama-tan dil dena
- Book : Nuquush Lahore (Pg. 457)
- Author : Mohd Tufail
- Publication : Idara Farog-e-urdu, Lahore (Feb.1956 )
- Edition : Feb.1956
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
