tabir se mahrum tere KHwab bahut the

ta.abīr se mahrūm tire ḳhvāb bahut the

saada sī kahānī thī magar baab bahut the

aa lagtī kināre se mirī kashtī-e-jāñ bhī

shāyad ki mire paañv meñ girdāb bahut the

be-nām hue naam kī takrīm ke hāthoñ

pahchāntā kyā koī ki alqāb bahut the

afsos tamavvuj unheñ sāhil pe na laayā

anmol guhar varna tah-e-āb bahut the

har lahza badaltī huī rut bas meñ nahīñ thī

joban pe thī barsāt to shādāb bahut the

kuchh ham bhī bahut se ga.e namnāk havā meñ

kuchh tum bhī to āmāda-e-ī.jāb bahut the

ham apne hī pāband nahīñ the kabhī 'yāsir'

uTh aa.e ki taqrīb ke ādāb bahut the

tabir se mahrum tere KHwab bahut the

sada si kahani thi magar bab bahut the

aa lagti kinare se meri kashti-e-jaan bhi

shayad ki mere panw mein girdab bahut the

be-nam hue nam ki takrim ke hathon

pahchanta kya koi ki alqab bahut the

afsos tamawwuj unhen sahil pe na laya

anmol guhar warna tah-e-ab bahut the

har lahza badalti hui rut bas mein nahin thi

joban pe thi barsat to shadab bahut the

kuchh hum bhi bahut se gae namnak hawa mein

kuchh tum bhi to aamada-e-ijab bahut the

hum apne hi paband nahin the kabhi 'yasir'

uTh aae ki taqrib ke aadab bahut the