taeron ki uDan mein hum hain

tā.eroñ kī uḌaan meñ ham haiñ

is khule āsmān meñ ham haiñ

āḳhir-e-kār hijr ḳhatm huā

aur pas-māñdgān meñ ham haiñ

kyuuñ na ho ḳhauf-e-inhidām-e-dil

isī ḳhasta makān meñ ham haiñ

ham faqat terī guftugū meñ nahīñ

har suḳhan har zabān meñ ham haiñ

aur koī nazar nahīñ aatā

is zamīn āsmān meñ ham haiñ

kyā duā kī qubūliyat 'ashfāq'

sab ke vahm-o-gumān meñ ham haiñ

taeron ki uDan mein hum hain

is khule aasman mein hum hain

aaKHir-e-kar hijr KHatm hua

aur pas-mandgan mein hum hain

kyun na ho KHauf-e-inhidam-e-dil

isi KHasta makan mein hum hain

hum faqat teri guftugu mein nahin

har suKHan har zaban mein hum hain

aur koi nazar nahin aata

is zamin aasman mein hum hain

kya dua ki qubuliyat 'ashfaq'

sab ke wahm-o-guman mein hum hain