tair-e-dil ke liye zulf ka jal achchha hai
tā.ir-e-dil ke liye zulf kā jaal achchhā hai
hīla-sāzī ke liye dāna-e-ḳhāl achchhā hai
dil ke tālib nazar aate haiñ hasīñ har jānib
us ke lākhoñ haiñ ḳharīdār ki maal achchhā hai
tāb-e-nazzāra nahīñ go mujhe ḳhud bhī lekin
rashk kahtā hai ki aisā hī jamāl achchhā hai
dil meñ kahte haiñ ki ai kaash na aa.e hote
un ke aane se jo bīmār kā haal achchhā hai
mutma.in baiTh na ai rāh-rav-e-rāh-e-urūj
tirā rahbar hai agar ḳhauf-e-zavāl achchhā hai
na rahī be-ḳhudi-e-shauq meñ itnī bhī ḳhabar
hijr achchhā hai ki 'mahrūm' visāl achchhā hai
tair-e-dil ke liye zulf ka jal achchha hai
hila-sazi ke liye dana-e-KHal achchha hai
dil ke talib nazar aate hain hasin har jaanib
us ke lakhon hain KHaridar ki mal achchha hai
tab-e-nazzara nahin go mujhe KHud bhi lekin
rashk kahta hai ki aisa hi jamal achchha hai
dil mein kahte hain ki ai kash na aae hote
un ke aane se jo bimar ka haal achchha hai
mutmain baiTh na ai rah-raw-e-rah-e-uruj
tera rahbar hai agar KHauf-e-zawal achchha hai
na rahi be-KHudi-e-shauq mein itni bhi KHabar
hijr achchha hai ki 'mahrum' visal achchha hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
