taKHir aa paDi jo badan ke zuhur mein
tāḳhīr aa paḌī jo badan ke zuhūr meñ
ham ne ḳhalā.eñ ghol diiñ bainassutūr meñ
miTTī ko apnī raat meñ tahlīl kar diyā
ik sar-zamīñ sameT lī tāroñ ke nuur meñ
mumkin hai tark hī kare vo hashr kā ḳhayāl
dil kā sukūt phūñk ke aayā huuñ suur meñ
ik nuqta-e-ġhayāb meñ Dhalne lage falak
bhaTkā huuñ itnī duur bhī tahtush-shu.ūr meñ
tajrīd-e-jāñ kī ik na.ī mantiq huuñ maiñ 'riyāz'
poshīda ho rahā huuñ ḳhud apne huzūr meñ
taKHir aa paDi jo badan ke zuhur mein
hum ne KHalaen ghol din bainassutur mein
miTTi ko apni raat mein tahlil kar diya
ek sar-zamin sameT li taron ke nur mein
mumkin hai tark hi kare wo hashr ka KHayal
dil ka sukut phunk ke aaya hun sur mein
ek nuqta-e-ghayab mein Dhalne lage falak
bhaTka hun itni dur bhi tahtush-shuur mein
tajrid-e-jaan ki ek nai mantiq hun main 'riyaz'
poshida ho raha hun KHud apne huzur mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
