tamiz-e-pisar-e-zamin wa ibn-e-falak na karna

tāmīz-e-pisar-e-zamīn va ibn-e-falak na karnā

tum aadmī ho to aadmī kī hatak na karnā

ye jam.a-o-tafrīq zarb-o-taqsīm kī sadī hai

aqīda Thahrā adad kī mantiq pe shak na karnā

pas-e-ḳharābāt-e-band jaarī hai mai-gusārī

sikhāyā jām-o-subū ko ham ne khanak na karnā

chhalāve ban jaa.eñ aage jā kar yahī ġhazālāñ

ta.āqub in mah-vashoñ kā tum duur tak na karnā

ye ġham ke ma.anī tujhe lage hai sarāb-e-ma.anī

akele sahnā use ġham-e-mushtarak na karnā

tamiz-e-pisar-e-zamin wa ibn-e-falak na karna

tum aadmi ho to aadmi ki hatak na karna

ye jama-o-tafriq zarb-o-taqsim ki sadi hai

aqida Thahra adad ki mantiq pe shak na karna

pas-e-KHarabaat-e-band jari hai mai-gusari

sikhaya jam-o-subu ko hum ne khanak na karna

chhalawe ban jaen aage ja kar yahi ghazalan

taaqub in mah-washon ka tum dur tak na karna

ye gham ke mani tujhe lage hai sarab-e-mani

akele sahna use gham-e-mushtarak na karna