taza phir danish-e-hazir ne kiya sehr-e-qadim
Interesting Fact
Baal-e-Gibril
taaza phir dānish-e-hāzir ne kiyā sehr-e-qadīm
guzar is ahd meñ mumkin nahīñ be-chob-e-kalīm
aql ayyār hai sau bhes banā letī hai
ishq bechāra na mullā hai na zāhid na hakīm
aish-e-manzil hai ġharībān-e-mohabbat pe harām
sab musāfir haiñ ba-zāhir nazar aate haiñ muqīm
hai garāñ-sair ġham-e-rāhila-o-zād se tū
koh o dariyā se guzar sakte haiñ mānind-e-nasīm
mard-e-darvesh kā sarmāya hai āzādī o marg
hai kisī aur kī ḳhātir ye nisāb-e-zar-o-sīm
taza phir danish-e-hazir ne kiya sehr-e-qadim
guzar is ahd mein mumkin nahin be-chob-e-kalim
aql ayyar hai sau bhes bana leti hai
ishq bechaara na mulla hai na zahid na hakim
aish-e-manzil hai ghariban-e-mohabbat pe haram
sab musafir hain ba-zahir nazar aate hain muqim
hai garan-sair gham-e-rahila-o-zad se tu
koh o dariya se guzar sakte hain manind-e-nasim
mard-e-darwesh ka sarmaya hai aazadi o marg
hai kisi aur ki KHatir ye nisab-e-zar-o-sim
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
