tabassum hai wo honTon par jo dil ka kaam kar jae

tabassum hai vo hoñToñ par jo dil kā kaam kar jaa.e

unheñ is kī nahīñ parvā koī martā hai mar jaa.e

duā hai merī ai dil tujh se duniyā kuuch kar jaa.e

aur aisī kuchh bane tujh par ki armānoñ se Dar jaa.e

jo mauqā mil gayā to ḳhizr se ye baat pūchheñge

jise ho justujū apnī vo bechāra kidhar jaa.e

sahar ko sīna-e-ālam meñ partav Dālne vaale

tasadduq apne jalve kā mirā bātin sañvar jaa.e

pareshāñ baal karte haiñ unheñ shoḳhī se matlab hai

bikhartā hai agar shīrāza-e-ālam bikhar jaa.e

hayāt-e-dā.imī kī lahar hai is zindagānī meñ

agar marne se pahle ban paḌe to 'josh' mar jaa.e

tabassum hai wo honTon par jo dil ka kaam kar jae

unhen is ki nahin parwa koi marta hai mar jae

dua hai meri ai dil tujh se duniya kuch kar jae

aur aisi kuchh bane tujh par ki armanon se Dar jae

jo mauqa mil gaya to KHizr se ye baat puchhenge

jise ho justuju apni wo bechaara kidhar jae

sahar ko sina-e-alam mein partaw Dalne wale

tasadduq apne jalwe ka mera baatin sanwar jae

pareshan baal karte hain unhen shoKHi se matlab hai

bikharta hai agar shiraaza-e-alam bikhar jae

hayat-e-daimi ki lahar hai is zindagani mein

agar marne se pahle ban paDe to 'josh' mar jae