takallum jo koi karta hai fani
takallum jo koī kartā hai faanī
hamārī aur tumhārī hai kahānī
junūñ meñ yaad hai ik bait-e-abrū
kahāñ hai ab dimāġh-e-sher-ḳhvānī
ma.āl-e-āshiq o māshūq hai ek
sunā hai sham-e-sozāñ kī zabānī
nishāñ ham be-nishānoñ kā na paayā
sabā ne muddatoñ tak ḳhaak chhānī
vo āshiq huuñ na aa.e niind mujh ko
sunūñ jab tak na yūsuf kī kahānī
nahīñ bachtā hai bīmār-e-mohabbat
sunā hai ham ne 'goyā' kī zabānī
takallum jo koi karta hai fani
hamari aur tumhaari hai kahani
junun mein yaad hai ek bait-e-abru
kahan hai ab dimagh-e-sher-KHwani
maal-e-ashiq o mashuq hai ek
suna hai sham-e-sozan ki zabani
nishan hum be-nishanon ka na paya
saba ne muddaton tak KHak chhani
wo aashiq hun na aae nind mujh ko
sunun jab tak na yusuf ki kahani
nahin bachta hai bimar-e-mohabbat
suna hai hum ne 'goya' ki zabani
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
