taKHliq ka andaz nikal aur tarah ka

taḳhlīq kā andāz nikāl aur tarah kā

peḌā koī ab chaak pe Daal aur tarah kā

dil hoñge diloñ meñ koī dhaḌkan nahīñ hogī

insān pe aanā hai zavāl aur tarah kā

aflāk kī mash.al se añdhere na miTeñge

sūraj koī dhartī se uchhāl aur tarah kā

muddat se mire nutq-o-taḳhayyul meñ Thanī hai

lafz aur tarah ke haiñ ḳhayāl aur tarah kā

vo duur se email pe kar lete haiñ bāteñ

hijr aur tarah kā hai visāl aur tarah kā

duniyā kī sabhī āñkheñ haiñ us aañkh pe hairāñ

ab dasht meñ aayā hai ġhazāl aur tarah kā

qīmat bhī koī pūchhne aatā nahīñ 'sābir'

dūkān meñ Daalā hai jo maal aur tarah kā

taKHliq ka andaz nikal aur tarah ka

peDa koi ab chaak pe Dal aur tarah ka

dil honge dilon mein koi dhaDkan nahin hogi

insan pe aana hai zawal aur tarah ka

aflak ki mashal se andhere na miTenge

suraj koi dharti se uchhaal aur tarah ka

muddat se mere nutq-o-taKHayyul mein Thani hai

lafz aur tarah ke hain KHayal aur tarah ka

wo dur se email pe kar lete hain baaten

hijr aur tarah ka hai visal aur tarah ka

duniya ki sabhi aankhen hain us aankh pe hairan

ab dasht mein aaya hai ghazal aur tarah ka

qimat bhi koi puchhne aata nahin 'sabir'

dukan mein Dala hai jo mal aur tarah ka