takmil-e-ishq jab ho ki sahra bhi chhoD de
takmīl-e-ishq jab ho ki sahrā bhī chhoḌ de
majnūñ ḳhayāl-e-mahmil-e-lailā bhī chhoḌ de
kuchh iqtizā-e-dil se nahīñ aql be-niyāz
tanhā ye rah sake to vo tanhā bhī chhoḌ de
yā dekh zāhid us ko pas-e-parda-e-majāz
yā e'tibār-e-dīda-e-bīnā bhī chhoḌ de
kuchh lutf dekhnā hai to saudā-e-ishq meñ
ai sarfarosh sar kī tamannā bhī chhoḌ de
vo dard hai ki dard sarāpā banā diyā
maiñ vo marīz huuñ jise iisā bhī chhoḌ de
āñkheñ nahīñ jo qābil-e-nazzāra-e-jamāl
tālib se kah do zauq-e-tamāshā bhī chhoḌ de
hai barq-pāshiyoñ kā gila 'sehr' ko abas
kyā us ke vāste koī hañsnā bhī chhoḌ de
takmil-e-ishq jab ho ki sahra bhi chhoD de
majnun KHayal-e-mahmil-e-laila bhi chhoD de
kuchh iqtiza-e-dil se nahin aql be-niyaz
tanha ye rah sake to wo tanha bhi chhoD de
ya dekh zahid us ko pas-e-parda-e-majaz
ya e'tibar-e-dida-e-bina bhi chhoD de
kuchh lutf dekhna hai to sauda-e-ishq mein
ai sarfarosh sar ki tamanna bhi chhoD de
wo dard hai ki dard sarapa bana diya
main wo mariz hun jise isa bhi chhoD de
aankhen nahin jo qabil-e-nazzara-e-jamal
talib se kah do zauq-e-tamasha bhi chhoD de
hai barq-pashiyon ka gila 'sehr' ko abas
kya us ke waste koi hansna bhi chhoD de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
