talafi wafa ki jafa chahta hun
talāfī vafā kī jafā chāhtā huuñ
tumhīñ ḳhud ye kah do burā chāhtā huuñ
koī mol le to bikā chāhtā huuñ
maiñ sāhab se banda huā chāhtā huuñ
tumhīñ chāho mujh ko to kyā chāhiye phir
maiñ is ke sivā aur kyā chāhtā huuñ
mirā mudda.ā kyā samajhte nahīñ ho
tumheñ chāhtā huuñ to kyā chāhtā huuñ
masīhā ho gar tum to apne liye ho
maiñ apne maraz kī davā chāhtā huuñ
tumheñ chāhūñ maiñ tum raqīboñ ko chāho
ye insāf pesh-e-ḳhudā chāhtā huuñ
talafi wafa ki jafa chahta hun
tumhin KHud ye kah do bura chahta hun
koi mol le to bika chahta hun
main sahab se banda hua chahta hun
tumhin chaho mujh ko to kya chahiye phir
main is ke siwa aur kya chahta hun
mera muddaa kya samajhte nahin ho
tumhein chahta hun to kya chahta hun
masiha ho gar tum to apne liye ho
main apne maraz ki dawa chahta hun
tumhein chahun main tum raqibon ko chaho
ye insaf pesh-e-KHuda chahta hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
