talab mein bose ki kya hai hujjat sawal digar jawab digar

talab meñ bose kī kyā hai hujjat savāl dīgar javāb dīgar

samajh ke kah baat be-muravvat savāl dīgar javāb dīgar

kalām tujh se hai aur apnā suḳhan ko ham tere kyūñki jāneñ

zarā ye khultī nahīñ haqīqat savāl dīgar javāb dīgar

maiñ apne matlab kī kah rahā huuñ vo ā.ina-rū ik aib meñ hai

bhalā ho milne kī ḳhaak sūrat savāl dīgar javāb dīgar

agar kahūñ maiñ sañvāro zulfeñ to vo bigaḌte haiñ de ke gaalī

ajab nasīboñ kī kuchh hai shāmat savāl dīgar javāb dīgar

mirā to paiġhām vasl kā hai tumhārī taqrīr hijr kī hai

butāñ hai ye bhī ḳhudā kī qudrat savāl dīgar javāb dīgar

kahā jo maiñ ne ki do mirā dil to bole hañs kar kidhar hai dilī

kahūñ to kyā aur un ko rahmat savāl dīgar javāb dīgar

talab mein bose ki kya hai hujjat sawal digar jawab digar

samajh ke kah baat be-murawwat sawal digar jawab digar

kalam tujh se hai aur apna suKHan ko hum tere kyunki jaanen

zara ye khulti nahin haqiqat sawal digar jawab digar

main apne matlab ki kah raha hun wo aaina-ru ek aib mein hai

bhala ho milne ki KHak surat sawal digar jawab digar

agar kahun main sanwaro zulfen to wo bigaDte hain de ke gali

ajab nasibon ki kuchh hai shamat sawal digar jawab digar

mera to paigham wasl ka hai tumhaari taqrir hijr ki hai

butan hai ye bhi KHuda ki qudrat sawal digar jawab digar

kaha jo main ne ki do mera dil to bole hans kar kidhar hai dili

kahun to kya aur un ko rahmat sawal digar jawab digar