talKH-sazi ne hamein gham ke siwa kuchh na diya
talKH-sazi ne hamein gham ke siwa kuchh na diya
Lucky farooqi Hasrat
MORE BYLucky farooqi Hasrat
talḳh-sāzī ne hameñ ġham ke sivā kuchh na diyā
be-niyāzī ne hameñ ġham ke sivā kuchh na diyā
ham koī krishn nahīñ the kī thiraktī rādhā
nai-navāzī ne hameñ ġham ke sivā kuchh na diyā
ye kaTe haath ye nāsūr-e-badan shāhid haiñ
teġh-bāzī ne hameñ ġham ke sivā kuchh na diyā
us ke hoñToñ meñ ka.ī rang the rusvā.ī ke
bosa-bāzī ne hameñ ġham ke sivā kuchh na diyā
har tabassum ke ta.āqub meñ ka.ī aañsū haiñ
dil-navāzī ne hameñ ġham ke sivā kuchh na diyā
jism parhez kī tash.hīr banā baiThā hai
chārasāzī ne hameñ ġham ke sivā kuchh na diyā
koī mohra na zafar-yāb huā chāhat kā
dil kī baazī ne hameñ ġham ke sivā kuchh na diyā
dil kī masjid meñ tirī yaad hai pāband-e-salāt
is namāzī ne hameñ ġham ke sivā kuchh na diyā
talKH-sazi ne hamein gham ke siwa kuchh na diya
be-niyazi ne hamein gham ke siwa kuchh na diya
hum koi krishn nahin the ki thirakti radha
nai-nawazi ne hamein gham ke siwa kuchh na diya
ye kaTe hath ye nasur-e-badan shahid hain
tegh-bazi ne hamein gham ke siwa kuchh na diya
us ke honTon mein kai rang the ruswai ke
bosa-bazi ne hamein gham ke siwa kuchh na diya
har tabassum ke taaqub mein kai aansu hain
dil-nawazi ne hamein gham ke siwa kuchh na diya
jism parhez ki tashhir bana baiTha hai
chaarasazi ne hamein gham ke siwa kuchh na diya
koi mohra na zafar-yab hua chahat ka
dil ki bazi ne hamein gham ke siwa kuchh na diya
dil ki masjid mein teri yaad hai paband-e-salat
is namazi ne hamein gham ke siwa kuchh na diya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
