talKHi-kash-e-naumidi-e-didar bahut hain
talKHi-kash-e-naumidi-e-didar bahut hain
Wahshat Raza Ali Kalkatvi
MORE BYWahshat Raza Ali Kalkatvi
talḳhī-kash-e-naumīdi-e-dīdār bahut haiñ
us nargis-e-bīmār ke bīmār bahut haiñ
aalam pe hai chhāyā huā ik yaas kā aalam
yaanī ki tamannā ke giraftār bahut haiñ
ik vasl kī tadbīr hai ik hijr meñ jiinā
jo kaam ki karne haiñ vo dushvār bahut haiñ
vo terā ḳharīdār-e-qadīm aaj kahāñ hai
ye sach hai ki ab tere ḳharīdār bahut haiñ
mehnat ho musībat ho sitam ho to mazā hai
milnā tirā āsāñ hai talabgār bahut haiñ
ushshāq kī parvāh nahīñ ḳhud tujh ko vagarna
jī tujh pe fidā karne ko tayyār bahut haiñ
'vahshat' suḳhan o lutf-e-suḳhan aur hī shai hai
dīvān meñ yāroñ ke to ash.ār bahut haiñ
talKHi-kash-e-naumidi-e-didar bahut hain
us nargis-e-bimar ke bimar bahut hain
aalam pe hai chhaya hua ek yas ka aalam
yani ki tamanna ke giraftar bahut hain
ek wasl ki tadbir hai ek hijr mein jina
jo kaam ki karne hain wo dushwar bahut hain
wo tera KHaridar-e-qadim aaj kahan hai
ye sach hai ki ab tere KHaridar bahut hain
mehnat ho musibat ho sitam ho to maza hai
milna tera aasan hai talabgar bahut hain
ushshaq ki parwah nahin KHud tujh ko wagarna
ji tujh pe fida karne ko tayyar bahut hain
'wahshat' suKHan o lutf-e-suKHan aur hi shai hai
diwan mein yaron ke to ashaar bahut hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
