talwar gharq-e-KHun hai aankhen gulabiyan hain
talvār ġharq-e-ḳhūñ hai āñkheñ gulābiyāñ haiñ
dekheñ to terī kab tak ye bad-sharābiyāñ haiñ
jab le naqāb muñh par tab diid kar ki kyā kyā
dar-parda shoḳhiyāñ haiñ phir be-hijābiyāñ haiñ
chāhe hai aaj huuñ maiñ haft-āsmāñ ke uupar
dil ke mizāj meñ bhī kitnī shitābiyāñ haiñ
jī bikhre dil Dhahe hai sar bhī girā paḌe hai
ḳhāna-ḳharāb tujh bin kyā kyā ḳharābiyāñ haiñ
mehmān 'mīr' mat ho ḳhvān-e-falak pe hargiz
ḳhālī ye mehr-o-mah kī donoñ rikābiyāñ haiñ
talwar gharq-e-KHun hai aankhen gulabiyan hain
dekhen to teri kab tak ye bad-sharabiyan hain
jab le naqab munh par tab did kar ki kya kya
dar-parda shoKHiyan hain phir be-hijabiyan hain
chahe hai aaj hun main haft-asman ke upar
dil ke mizaj mein bhi kitni shitabiyan hain
ji bikhre dil Dhahe hai sar bhi gira paDe hai
KHana-KHarab tujh bin kya kya KHarabiyan hain
mehman 'mir' mat ho KHwan-e-falak pe hargiz
KHali ye mehr-o-mah ki donon rikabiyan hain
- Book : MIRIYAAT - Diwan No- 1, Ghazal No- 0308
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
