tama ka daur hai hatim ata kar

tama.a kā daur hai hātim atā kar

najaf ke shaah sā hākim atā kar

zamīñ par ġhāsiboñ kī hai hukūmat

zamīñ ko mūsī-e-'kāzim' atā kar

tirī dhartī pe terā adl chāheñ

nizām-e-adl kā nāzim atā kar

jo bhūkoñ ko khilā.e narm roTī

hameñ maulā vahī hāshim atā kar

mile shā.ir ko rāz-e-kun-fakūnī

alī ke ilm kā rāqim atā kar

jo kaaTe marhab-o-antar ke sar ko

usī karrār sā jāsim atā kar

tujhe ḳhush aa.e terī lā-makānī

mujhe merā patā lāzim atā kar

har ik nau-shāh ko 'naqqāsh' ke rab

shu.ūr-e-hazrat-e-'qāsim' atā kar

tama ka daur hai hatim ata kar

najaf ke shah sa hakim ata kar

zamin par ghasibon ki hai hukumat

zamin ko musi-e-'kazim' ata kar

teri dharti pe tera adl chahen

nizam-e-adl ka nazim ata kar

jo bhukon ko khilae narm roTi

hamein maula wahi hashim ata kar

mile shair ko raaz-e-kun-fakuni

ali ke ilm ka raqim ata kar

jo kaTe marhab-o-antar ke sar ko

usi karrar sa jasim ata kar

tujhe KHush aae teri la-makani

mujhe mera pata lazim ata kar

har ek nau-shah ko 'naqqash' ke rab

shuur-e-hazrat-e-'qasim' ata kar