tamam aag hai dil rah Khaar-o-KHas ki nahin

tamām aag hai dil raah ḳhār-o-ḳhas kī nahīñ

yahī galī hai jahāñ saltanat havas kī nahīñ

vo sab ke sāmne bāñhoñ meñ aa ke kho jaanā

farishtoñ jaisī ye ma.asūmiyat havas kī nahīñ

bas ek shaam kī lazzat bahut ġhanīmat jaan

aziim paak mohabbat har ik ke bas kī nahīñ

thā ek shaḳhs har ik shaḳhs us pe āshiq thā

ye baat kal kī hai do-chār das baras kī nahīñ

nisāb dil kā kahāñ rakh diyā clāssoñ meñ

ġhazal kī aag hai ye kāġhazoñ ke bas kī nahīñ

tamam aag hai dil rah KHar-o-KHas ki nahin

yahi gali hai jahan saltanat hawas ki nahin

wo sab ke samne banhon mein aa ke kho jaana

farishton jaisi ye masumiyat hawas ki nahin

bas ek sham ki lazzat bahut ghanimat jaan

azim pak mohabbat har ek ke bas ki nahin

tha ek shaKHs har ek shaKHs us pe aashiq tha

ye baat kal ki hai do-chaar das baras ki nahin

nisab dil ka kahan rakh diya classon mein

ghazal ki aag hai ye kaghazon ke bas ki nahin