tamam raat mere sath phirta rahta hai

tamām raat mire saath phirtā rahtā hai

maiñ so bhī jā.ūñ to āñkhoñ meñ chaltā rahtā hai

badan hai us kā ki jaise chinār kā mausam

vo apnī aag meñ har raat jaltā rahtā hai

mujhe kabhī jo rahe dhuup kā safar dar-pesh

vo chhāñv ban ke mire saath chaltā rahtā hai

vo peḌ sar ko jhukā.e khaḌā jo rahtā hai

vo mausamoñ kī bahut maar sahtā rahtā hai

phir is ke baa'd kahāñ jism-o-jāñ sambhalte haiñ

vo mere haath meñ shab bhar pighaltā rahtā hai

ġhamoñ kī rut ho yā koī ḳhushī kā mausam ho

badalte rahte haiñ mausam badaltā rahtā hai

'nadīm' us se ta'alluq to ham ne toḌ liyā

magar ye dil hai ki ab bhī machaltā rahtā hai

tamam raat mere sath phirta rahta hai

main so bhi jaun to aankhon mein chalta rahta hai

badan hai us ka ki jaise chinar ka mausam

wo apni aag mein har raat jalta rahta hai

mujhe kabhi jo rahe dhup ka safar dar-pesh

wo chhanw ban ke mere sath chalta rahta hai

wo peD sar ko jhukae khaDa jo rahta hai

wo mausamon ki bahut mar sahta rahta hai

phir is ke ba'd kahan jism-o-jaan sambhalte hain

wo mere hath mein shab bhar pighalta rahta hai

ghamon ki rut ho ya koi KHushi ka mausam ho

badalte rahte hain mausam badalta rahta hai

'nadim' us se ta'alluq to hum ne toD liya

magar ye dil hai ki ab bhi machalta rahta hai