tamam raat musalsal ayagh chalta raha

tamām raat musalsal ayāġh chaltā rahā

darūn-e-qalb musalsal charāġh jaltā rahā

ajab kahāniyāñ bantī haiñ nisf rātoñ meñ

shabāb-e-nau se musalsal sharār ubaltā rahā

miTātī tīrgī-e-shab kyā chāñdnī āḳhir

ġham-e-daġhā meñ musalsal jo chāñd Dhaltā rahā

ye un kā da.avā masīhā.ī kā hai makr-o-fareb

lipaT ke un se musalsal koī machaltā rahā

hamesha ashkoñ kī zad meñ hī raat Dhaltī rahī

umīd-e-jāñ meñ musalsal jigar pighaltā rahā

ye ham se pūchho to kyā hai ye shai bhī lutf 'shaġhaf'

ki dard-e-ashk musalsal qabā badaltā rahā

tamam raat musalsal ayagh chalta raha

darun-e-qalb musalsal charagh jalta raha

ajab kahaniyan banti hain nisf raaton mein

shabab-e-nau se musalsal sharar ubalta raha

miTati tirgi-e-shab kya chandni aaKHir

gham-e-dagha mein musalsal jo chand Dhalta raha

ye un ka dawa masihai ka hai makr-o-fareb

lipaT ke un se musalsal koi machalta raha

hamesha ashkon ki zad mein hi raat Dhalti rahi

umid-e-jaan mein musalsal jigar pighalta raha

ye hum se puchho to kya hai ye shai bhi lutf 'shaghaf'

ki dard-e-ashk musalsal qaba badalta raha