تماشہ بننے سے بہتر یہی ہے چپ رہا جائے

تماشہ بننے سے بہتر یہی ہے چپ رہا جائے

بھلے دنیا پھر اندازے لگانے پر ہی آ جائے

جو ظاہر تھیں وہ باتیں تو کتابوں میں بہت پڑھ لیں

چلو اب کے کسی کی خامشی کو بھی پڑھا جائے

تلاشے جائیں سب سے پہلے تو عیب و ہنر خود کے

کسی کو بعد میں اچھا برا انساں کہا جائے

تمہاری رائے یکدم ہی بدلتی جائے گی اس پر

اگر وہ مدعا دونوں طرف سے جو سنا جائے

مصیبت اور اس افسردگی سے اتنا کیا ڈرنا

کہیں یہ ڈر تمہاری حوصلہ مندی نہ کھا جائے