tanduruston mein na bimaron ke bich

tandurustoñ meñ na bīmāroñ ke biich

ishq ke huuñ maiñ dil-afgāroñ ke biich

ishq hai sair-e-ḳhudā ai dostāñ

is liye ashraf hai asrāroñ ke biich

manzil-e-dūr-o-darāz-e-ishq meñ

ġham ko paayā ham ne ġham-ḳhvāroñ ke biich

dostāñ hai lā-davā dūr-az-shifā

ishq kā āzār āzāroñ ke biich

ab to hai kunj-e-qafas ghar par kabhī

bulbulo the ham bhī gulzāroñ ke biich

kyā kaheñ ham kah nahīñ sakte haiñ yaar

añdkoñ meñ hai ki bisyāroñ ke biich

jis ke juuyā momin o mushrik haiñ vo

subbahoñ meñ hai na zunnāroñ ke biich

rahm kar ham par bhī dil-bar haiñ tire

ishq ke hāthoñ se āvāroñ ke biich

gul ne tā da.avā kiyā ruḳh se tire

be-qadar baktā hai bāzāroñ ke biich

yā husain-ibn-e-alī 'mātam' ko bhī

kiije dāḳhil apne zavvāroñ ke biich

tanduruston mein na bimaron ke bich

ishq ke hun main dil-afgaron ke bich

ishq hai sair-e-KHuda ai dostan

is liye ashraf hai asraron ke bich

manzil-e-dur-o-daraaz-e-ishq mein

gham ko paya hum ne gham-KHwaron ke bich

dostan hai la-dawa dur-az-shifa

ishq ka aazar aazaron ke bich

ab to hai kunj-e-qafas ghar par kabhi

bulbulo the hum bhi gulzaron ke bich

kya kahen hum kah nahin sakte hain yar

andkon mein hai ki bisyaron ke bich

jis ke juya momin o mushrik hain wo

subbahon mein hai na zunnaron ke bich

rahm kar hum par bhi dil-bar hain tere

ishq ke hathon se aawaron ke bich

gul ne ta dawa kiya ruKH se tere

be-qadar bakta hai bazaron ke bich

ya husain-ibn-e-ali 'matam' ko bhi

kije daKHil apne zawwaron ke bich