tang aa jate hain dariya jo kuhistanon mein
tañg aa jaate haiñ dariyā jo kuhistānoñ meñ
saañs lene ko nikal jaate haiñ maidānoñ meñ
ḳhair ho dasht-e-navardān-e-mohabbat kī ab
shahr baste chale jaate haiñ bayābānoñ meñ
ab to le letā hai bātin se yahī kaam junūñ
nazar aate nahīñ ab chaak garebānoñ meñ
maal chorī kā jo taqsīm kiyā choroñ ne
nisf to baT gayā bastī ke nigahbānoñ meñ
kaun tārīḳh ke is sidq ko jhuTlā.egā
ḳhair-o-shar donoñ muqayyad rahe zindānoñ meñ
justujū kā koī anjām to zāhir ho 'nadīm'
ik musalmāñ to nazar aa.e musalmānoñ meñ
tang aa jate hain dariya jo kuhistanon mein
sans lene ko nikal jate hain maidanon mein
KHair ho dasht-e-nawardan-e-mohabbat ki ab
shahr baste chale jate hain bayabanon mein
ab to le leta hai baatin se yahi kaam junun
nazar aate nahin ab chaak garebanon mein
mal chori ka jo taqsim kiya choron ne
nisf to baT gaya basti ke nigahbanon mein
kaun tariKH ke is sidq ko jhuTlaega
KHair-o-shar donon muqayyad rahe zindanon mein
justuju ka koi anjam to zahir ho 'nadim'
ek musalman to nazar aae musalmanon mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
