tanhai ke aab-e-rawan ke sahil par baiTha hun main
tanhā.ī ke āb-e-ravāñ ke sāhil par baiThā huuñ maiñ
lahreñ aatī jaatī rahtī haiñ dekhā kartā huuñ maiñ
kaun sā lafz adā hone kā pas-manzar hai merā vajūd
kis kā haul hai mere dil meñ kaisā sannāTā huuñ maiñ
hijr o visāl charāġh haiñ donoñ tanhā.ī ke tāqoñ meñ
aksar donoñ gul rahte haiñ aur jalā kartā huuñ maiñ
ḳhālī dar-o-dīvār kī ḳhushbū pāgal rakhtī hai mujh ko
jaane kahāñ vo phuul khilā hai jis kā māñ-jāyā huuñ maiñ
sab ye sochte haiñ 'farhat-ehsās' tamāshā hai koī
maiñ ye sochtā rahtā huuñ kis miTTī kā putlā huuñ maiñ
tanhai ke aab-e-rawan ke sahil par baiTha hun main
lahren aati jati rahti hain dekha karta hun main
kaun sa lafz ada hone ka pas-manzar hai mera wajud
kis ka haul hai mere dil mein kaisa sannaTa hun main
hijr o visal charagh hain donon tanhai ke taqon mein
aksar donon gul rahte hain aur jala karta hun main
KHali dar-o-diwar ki KHushbu pagal rakhti hai mujh ko
jaane kahan wo phul khila hai jis ka man-jaya hun main
sab ye sochte hain 'farhat-ehsas' tamasha hai koi
main ye sochta rahta hun kis miTTi ka putla hun main
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
