tanhai ke sab din hain tanhai ki sab raaten

tanhā.ī ke sab din haiñ tanhā.ī kī sab rāteñ

ab hone lagīñ un se ḳhalvat meñ mulāqāteñ

har aan tasallī hai har lahza tashaffī hai

har vaqt hai dil-jūī har dam haiñ mudārāteñ

me.arāj kī sī hāsil sajdoñ meñ hai kaifiyyat

ik fāsiq-o-fājir meñ aur aisī karāmāteñ

baiThā huā tauba kī tū ḳhair manāyā kar

Taltī nahīñ yuuñ 'jauhar' is des kī barsāteñ

tanhai ke sab din hain tanhai ki sab raaten

ab hone lagin un se KHalwat mein mulaqaten

har aan tasalli hai har lahza tashaffi hai

har waqt hai dil-jui har dam hain mudaraaten

mearaj ki si hasil sajdon mein hai kaifiyyat

ek fasiq-o-fajir mein aur aisi karamaten

baiTha hua tauba ki tu KHair manaya kar

Talti nahin yun 'jauhar' is des ki barsaten