tanhai tamir karegi ghar se behtar ek zindan

tanhā.ī ta.amīr karegī ghar se behtar ik zindān

bām-o-dar nahīñ hoñge lekin hogā jiine kā sāmān

kisī ḳhayāl kī sarshārī meñ jārī-o-sārī yaarī meñ

apne-āp koī aa.egā aur ban jā.egā mehmān

jīvan paikar dhul jā.eñge jis meñ gunāh o savāb samet

aañsū paidā kar hī deñge aisī bārish kā imkān

ashkoñ kī būñdā-bāndī meñ qaus-e-quzah ke rañgoñ se

ik aisī tasvīr banī hai saarī duniyā hai hairān

hairānī zanjīr karegī har pal na.ī kahānī ko

aur 'zafar' sab kirdāroñ meñ ik din paḌ jā.egī jaan

tanhai tamir karegi ghar se behtar ek zindan

baam-o-dar nahin honge lekin hoga jine ka saman

kisi KHayal ki sarshaari mein jari-o-sari yari mein

apne-ap koi aaega aur ban jaega mehman

jiwan paikar dhul jaenge jis mein gunah o sawab samet

aansu paida kar hi denge aisi barish ka imkan

ashkon ki bunda-bandi mein qaus-e-quzah ke rangon se

ek aisi taswir bani hai sari duniya hai hairan

hairani zanjir karegi har pal nai kahani ko

aur 'zafar' sab kirdaron mein ek din paD jaegi jaan