jo ho sake to pila dijiye udhaar mujhe

jo ho sake to pilā dījiye udhār mujhe

ki naqd paisoñ se aatā nahīñ ḳhumār mujhe

na utrī halq se bhī aa gayā ḳhumār mujhe

dikhā.ī dete haiñ ik ik ke chaar chaar mujhe

hai merā ishq bhī majnūñ ke ishq kī tausī.a

udhar buḳhār use hai idhar buḳhār mujhe

vazīfa paḌh ke maiñ chande vasūl kartā huuñ

pukārte haiñ sabhī ab vazīfa-ḳhvār mujhe

maiñ da.aiyān ko paise to de ke aayā thā

uThā na jalse meñ pahnāne koī haar mujhe

jise bhī dekhiye bas ghūrtā hai hairat se

banā diyā to nahīñ us ne ishtihār mujhe

banā rahā huuñ maiñ jis shaḳhs kī bhī baisākhī

vo shaḳhs kahtā hai ab pāñchvāñ savār mujhe

thā doctor hī mirā chiḌchiḌā maiñ kyā kartā

nikālā daañt mirā jab ki thā buḳhār mujhe

maiñ nāqidīn ke narġhe meñ phañs gayā huuñ 'rahīm'

dikhā.ī detī nahīñ hai rah-e-farār mujhe

jo ho sake to pila dijiye udhaar mujhe

ki naqd paison se aata nahin KHumar mujhe

na utri halq se bhi aa gaya KHumar mujhe

dikhai dete hain ek ek ke chaar chaar mujhe

hai mera ishq bhi majnun ke ishq ki tausia

udhar buKHar use hai idhar buKHar mujhe

wazifa paDh ke main chande wasul karta hun

pukarte hain sabhi ab wazifa-KHwar mujhe

main daiyan ko paise to de ke aaya tha

uTha na jalse mein pahnane koi haar mujhe

jise bhi dekhiye bas ghurta hai hairat se

bana diya to nahin us ne ishtihaar mujhe

bana raha hun main jis shaKHs ki bhi baisakhi

wo shaKHs kahta hai ab panchwan sawar mujhe

tha doctor hi mera chiDchiDa main kya karta

nikala dant mera jab ki tha buKHar mujhe

main naqidin ke narghe mein phans gaya hun 'rahim'

dikhai deti nahin hai rah-e-farar mujhe