nam shaitan se mashhur hamara hota

naam shaitān se mash.hūr hamārā hotā

apne pīchhe bhī agar koī idāra hotā

auj par apne muqaddar kā sitārā hotā

ik minister kā hī chamcha jo hamārā hotā

apne jiine kā yahī ek sahārā hotā

kisī tirpaT kā sahī koī ishārā hotā

ek shādī ne hī sab baal jhaḌā Daale haiñ

ye amal kahiye ki phir kaise dobāra hotā

be-paḌhe apnī ġhazal bazm se ham lauTe haiñ

tum ne sahvan hī sahī naam pukārā hotā

doctor aaj ke tājir hī na hone paate

chārasāzoñ se agar bachne kā chārā hotā

koī shā.ir bhī mire aage na Tik paatā 'rahīm'

merā maidān-e-suḳhan pe jo ijāra hotā

nam shaitan se mashhur hamara hota

apne pichhe bhi agar koi idara hota

auj par apne muqaddar ka sitara hota

ek minister ka hi chamcha jo hamara hota

apne jine ka yahi ek sahaara hota

kisi tirpaT ka sahi koi ishaara hota

ek shadi ne hi sab baal jhaDa Dale hain

ye amal kahiye ki phir kaise dobara hota

be-paDhe apni ghazal bazm se hum lauTe hain

tum ne sahwan hi sahi nam pukara hota

doctor aaj ke tajir hi na hone pate

chaarasazon se agar bachne ka chaara hota

koi shair bhi mere aage na Tik pata 'rahim'

mera maidan-e-suKHan pe jo ijara hota