tapish gulzar tak pahunchi lahu diwar tak aaya

tapish gulzār tak pahuñchī lahū dīvār tak aayā

charāġh-e-ḳhud-kalāmī kā dhuāñ bāzār tak aayā

huā kāġhaz musavvar ek paiġhām-e-zabānī se

suḳhan tasvīr tak pahuñchā hunar purkār tak aayā

abas tārīk raste ko tah-e-ḳhurshīd-e-jāñ rakkhā

yahī tār-e-nafas āzār se paikār tak aayā

mohabbat kā bhañvar apnā shikāyat kī jihat apnī

vo mehvar dūsrā thā jo mire pindār tak aayā

ajab chehra safar kā thā havas ke zard paanī meñ

qadam daldal se niklā to ḳhat-e-raftār tak aayā

phir is ke ba.ad tambūr o alam nā-mo'tabar Thahre

koī qāsid na is shām-e-shikast-āsār tak aayā

tapish gulzar tak pahunchi lahu diwar tak aaya

charagh-e-KHud-kalami ka dhuan bazar tak aaya

hua kaghaz musawwar ek paigham-e-zabani se

suKHan taswir tak pahuncha hunar purkar tak aaya

abas tarik raste ko tah-e-KHurshid-e-jaan rakkha

yahi tar-e-nafas aazar se paikar tak aaya

mohabbat ka bhanwar apna shikayat ki jihat apni

wo mehwar dusra tha jo mere pindar tak aaya

ajab chehra safar ka tha hawas ke zard pani mein

qadam daldal se nikla to KHat-e-raftar tak aaya

phir is ke baad tambur o alam na-mo'tabar Thahre

koi qasid na is sham-e-shikast-asar tak aaya