tapish se meri waqf-e-kashmakash har tar-e-bistar hai

tapish se merī vaqf-e-kashmakash har tār-e-bistar hai

mirā sar ranj-e-bālīñ hai mirā tan bār-e-bistar hai

sarishk-e-sar ba-sahrā daada nūr-ul-ain-e-dāman hai

dil-e-be-dast-o-pā uftāda bar-ḳhurdār-e-bistar hai

ḳhushā iqbāl-e-ranjūrī 'ayādat ko tum aa.e ho

faroġh-e-sham-e-bālīñ tāla-e-bedār-e-bistar hai

ba-tūfāñ-gāh-e-josh-e-iztirāb-e-shām-e-tanhā.ī

shuā-e-āftāb-e-sub.h-e-mahshar tār-e-bistar hai

abhī aatī hai bū bālish se us kī zulf-e-mushkīñ kī

hamārī diid ko ḳhvāb-e-zuleḳhā ār-e-bistar hai

kahūñ kyā dil kī kyā hālat hai hijr-e-yār meñ ġhālib

ki betābī se har-yak tār-e-bistar ḳhār-e-bistar hai

tapish se meri waqf-e-kashmakash har tar-e-bistar hai

mera sar ranj-e-baalin hai mera tan bar-e-bistar hai

sarishk-e-sar ba-sahra dada nur-ul-ain-e-daman hai

dil-e-be-dast-o-pa uftada bar-KHurdar-e-bistar hai

KHusha iqbaal-e-ranjuri 'ayaadat ko tum aae ho

farogh-e-sham-e-baalin tala-e-bedar-e-bistar hai

ba-tufan-gah-e-josh-e-iztirab-e-sham-e-tanhai

shua-e-aftab-e-subh-e-mahshar tar-e-bistar hai

abhi aati hai bu baalish se us ki zulf-e-mushkin ki

hamari did ko KHwab-e-zuleKHa aar-e-bistar hai

kahun kya dil ki kya haalat hai hijr-e-yar mein ghaalib

ki betabi se har-yak tar-e-bistar KHar-e-bistar hai